Joriy yilning 17 sentabr kuni GTS fakulteti 1-kurs talabalari bilan universitet psixologi va Xor jamoasi rahbari M.K.Muxamedova, GTS fakulteti yoshlar bilan ishlash bo'yicha dekan muovini A.Azimov, GTS fakulteti tyutori A.Xaydarovlar hamkorlikda tadbir tashkil etishdi. Yig'ilish  universitet psixologi faoliyati bilan tanishtirish va iqtidorli talabalarni xor jamoasiga taklif etish maqsadida tashkil etildi. Tadbir avvalida psixologning universitetda olib boradigan faoliyati haqida ma'lumot berildi. So'ngra universitet madhiyasi yaratilish tarixi  haqida ma'lumot berilib, marhum rektorimiz O'.P.Umrzoqov ushbu dargohda talabalar ishtirokida Xor jamoasi tashkil etilishini juda ham istaganlari haqida ham qiziqarli ma'lumotlar berildi.

     Tadbirda vokal san'atini egallashning foydali jihatlari to'g'risida so'z yuritildi. Barcha ishtirokchilar yuqorida aytilgan so'zlarni diqqat bilan tinglab to'lqinlanishdi va xor jamoasiga a'zo bo'lib, oliygohimizning ravnaqiga san'at tomonlama o'z hissalarini qo'shishga qaror qilgan talaba yoshlar ro'yxati shakllantirildi. Suhbat so'ngida talabalar o'zlarini qiziqtirgan savollarga javoblar olishdi va ko'tarinki kayfiyatda tadbir o‘z nihoyasiga yetdi.

Universitet psixologi M.K. Muhammedova axboroti

"TIQXMMI" MTU matbuot xizmati