"Gidromelioratsiya" fakulteti 2-kurs talabalari, dekan o`rinbosari boshchiligida  Oʻzbekiston Respublikasi Qurolli Kuchlari markaziy muzeyi tashrif buyurishdi. Tashrif davomida talabalar muzeydagi harbiy eksponatlar bilan yaqindan tanishib, buyuk sarkarda Amir Temurga bag‘ishlangan alohida “Temuriylar davri harbiy san’ati” ekspozitsiyasi, Markaziy Osiyo xalqlari harbiy san’ati, O‘zbekiston xalqining ikkinchi Jahon urushida ishtirokiga bag‘ishlangan ekspozitsiyasi, O‘zbekiston Respublikasi Qurolli kuchlari rivojlanishining hozirgi davri, davlatimizning harbiy salohiyati va uning jangovar qudrati hamda yurtimiz posbonlari haqida qiziqarli ma’lumotlarga ega bo‘ldilar.

Bu tashrif talabalarga, Vatan himoyachilarining xizmatlari nechog‘lik xatarli bo‘lishi bilan bir qatorda o‘z vaqtida mas’uliyat hamda yuksak, sharafli ekanini his qilishga yordam berdi. Shuningdek, ularda Davlatimizning qudratiga nisbatan ishonch hissini hamda yurtimiz tinchligi va xalqimiz farovonligi kabi ne’matlarni chuqur anglab yetishga undaydi.

Yoshlar bilan ishlash bo`yicha dekan o`rinbosari O.Ro`zibayev

Universitet matbuot xizmati