Joriy yilning 10 yanvar kuni "Toshkent irrigatsiya va qishloq xo'jaligini mexanizatsiyalash muhandislari instituti" Milliy  tadqiqot universiteti psixologi M.K. Muhammedova tomonidan Xotin qizlar kengashi a'zolari hamda tyutorlar ishtirokida psixologik mahorat dars va trening tashkil etildi. Mahorat darsi oiladagi zo'rovonlikdan jabr ko'rgan yoshlarni noxush holatlardan saqlash va og'ir vaziyatdan chiqarishga qaratilgan psixologik xizmatni tashkil etish hamda psixoprofilaktika ishlarini Xotin qizlar kengashi a'zolari va tyutorlar bilan hamkorlikda yo'lga qo'yish maqsadida tashkil etildi. Tadbirda psixologik xizmat har-bir shaxsning u yoki bu faoliyatdan ijtimoiy va hissiy qoniqish jarayonini ta'minlovchi tadqiq qilishga qaratilgan omillarni nazariy va empirik ma'lumotlar usullar va uslublar majmuasiga asoslangan holda tashkil etish hamda psixologik xizmat jarayoni bilan bog'liq ijtimoiy muhim ko'rsatkichlarning tahlili har bir shaxs faoliyati uchun xarakterli bo'lgan individual farqlanish, individual uslub va ijtimoiy ustanovkaning qaror toptirilishini o'rganish asosida amalga oshirilishi mumkinligi haqida fikrlar yuritildi. Tadbir so'ngida qiziqarli trening o'yinlar tashkil etildi.

Universitet psixologi M.K. Muhammedova axboroti

“TIQXMMI” MTU matbuot xizmati