Joriy yilning 11-yanvar kuni “Ekologiya va huquq” fakulteti tyutorlari Iroda Ahmedova va Xursandbek Ro’zmetovlar tashabbusi bilan  fakultetning 1-bosqich talabalari ishtirokida 14-Yanvar – “Vatan himoyachilari kuni” ga bag’ishlab tadbir o’tkazildi. Tadbirga mehmon sifatida ko’p yillar o’zining samarali faoliyati bilan vatanimizga xizmat qilgan, hozirda esa yoshlarga o’z bilimlarini ulashishga bel bog’lagan faxriy inson, Yunusobod tuman Mudofaa bo’limiga qarashli 250-maktabning Chaqiriqqa qadar boshlanlang’ich tayyorgarlik fani o’qituvchisi, Mayor, Alimov Hasan Turopovich hamda “TIQXMMI” MTU huquq tartibot profilaktika katta inspektori, mayor, Ubaydullayev Avzal Rixsiboyevichlar taklif qilindi.

Tashrif buyurgan mehmonlar talabalarga vatan himoyasi qanchalar sharafli va mas’uliyatli ekani, shuningdek harbiy bilim yurtlarida o’qishga topshirish va unga belgilangan yosh chegaralari bo’yicha ham o’z ma’lumotlarini berib o’tdilar.  Tadbir so’ngida talabalar o’zlarini qiziqtirgan qo’shimcha savollariga ham atroflicha javob oldilar. Mazkur savol-javoblar asnosida mehmonlar talabalarga o’zlarining qo’shimcha tavsiyalarini ham berib o’tdilar.

“Ekologiya va huquq” fakulteti tyutorlari I.Ahmedova va X.Ro’zmetovlar axboroti

Universitet matbuot xizmati