Joriy yilning 15 noyabrida “TIQXMMI” Milliy Tadqiqot Universiteti va Vengriyaning Obuda Universiteti bilan hamkorligida “Iqtisodiyot” ta’lim yonalishida doirasida imzolangan Qo‘shma Ta’lim Dasturi doirasida universitetimizning Turon Bank xonasida dekan Prof. Rashid Xakimov,  Ingliz tili kafedrasi dotsent Go‘zal Eshchanova va fakultetning dekan muovinlari va Iqtisodiyot fani o‘qituvchilari ishtirokida onlayn zoom yig‘ilishi bo‘lib o‘tdi.mazkur uchrashuvda Obuda Universitetining Iqtisodiyot va marketing bo‘yicha bir qator professor-o‘qituvchilari va “Iqtisodiyot” fakulteti dekani ham qatnashdi.

Eslatib o‘tamiz, O‘zbekiston Respublikasi Oliy Ta’lim, Fan va Innovatsiyalar Vazirligida  universitetimiz rektori Prof. Mirzayev Baxodir Suyunovich va Obuda Universiteti rektori Prof. Levente Kovacs ushbu Qo‘shma Ta’lim Dasturini imzolash jarayonida ikki tomonlama amalga oshirilishi ko‘zda tutilgan  masalalarni atroflicha muhokama qilishgan edi.

Tashkil qilingan zoom yig‘ilishda Qo‘shma Ta’lim doirasida ikkala universitetda o‘qitilayotgan fanlar, ishchi o‘quv rejalar va kredit modul tizimi bo‘yicha majburiy va tanlov fanlar haqida atroflicha fikr almashildi. Shuningdek, Vengriyaning obuda Unievrsitetida qisqa Malaka oshirish kurslarida universitetimizni professor-o‘qituvchilarining qatnashish imkoniyatlari va hamkorlikda xalqaro maqolalar chop etish bo‘yicha qizg‘in muhokamalar olib borildi.