“TIQXMMI” milliy tadqiqot universiteti “Ekologiya va huquq” fakulteti tyutorlari Xursandbek Ro’zmetov, Iroda Ahmedova hamda Iqtidorli talabalar bo’limi boshlig’i Zahiriddin Xolmatov va bo’lim yetakchi muhandisi Jamolbek Normurodovlar hamkorligida fakultetning 1-bosqich talabalari bilan uchrashuv tashkil etildi. Uchrashuvda Z.Xolmatov talabalarga ilmiy maqolalar yozish tartibi va nomdor stipendiyalar, shuningdek turli tanlovlar va konferensiyalarda ishtirok etish tartibi va talablari to’g’risida batafsil ma’lumotlar berib o’tdi. Shundan so’ng bo’lim yetakchi muhandisi J.Normurodov talaba yoshlarga erishgan yutuqlari va bu borada e’tibor qaratish kerak bo’lgan jihatlar haqida atroflicha ma’lumotlar berib o’tdi.

Uchrashuv davomida talabalarga O’zbekiston Respublikasi Prezidenti davlat stipendiyasi va nomdor stipendiyalarni qo’lga kiritgan universitetimiz yoshlari haqida ma’lumotlar berilib ekran orqali tanishtirildi. Uchrashuv so’ngida talabalar o’zlarini qiziqtirgan barcha savollarga batafsil javoblar oldilar va bunday uchrashuvlar muntazam ravishda o’tkazib turilishiga kelishib olindi.

“Ekologiya va huquq” fakulteti tyutorlari X.Ro’zmetov va I.Ahmedovalar axboroti

Universitet matbuot xizmati