Ta’lim-ta’rbiyaga mas’ul inson mamlakatning ertasiga daxldordir. Shuning uchun ham muhtaram Prezidentimiz O’qituvchi va murabbiylarga alohida e’tibor bilan qarab kelmoqdalar.

O’z kasbini qadrlaydigan ustozlardan yana biri  Djapbar Alijanovdir. Ular ish faoliyati davomida 260 dan ortiq ilmiy ishlar, jumladan 60 ta o‘quv-uslubiy qo‘llanma va ko‘rsatmalar, 2 ta qishloq xo‘jalik kollejlari talabalari uchun o‘quv qo‘llanma, 4 ta Oliy ta’lim talabalari uchun o‘quv qo‘llanma va 1 ta darslik, 10 ta patent, 180 dan ortiq ilmiy maqolalar va 2 ta monografiyaning muallifidir.

1983 yilda Toshkent irrigatsiya va qishloq xo‘jaligini mexanizatsiyalash injenerlari institutining “Qishloq xo‘jaligini mexanizatsiyalash” fakultetini tamomlagan.  Mehnat faoliyatini 1983 yilda Toshkent irrigatsiya va qishloq xo‘jaligini mexanizatsiyalash injenerlari instituti “Chorvachilik fermalarini mexanizatsiyalash” kafedrasi katta laboranti lavozimidan boshlagan, 1984-1995 yillarda assistent, 1995-2003 yillarda dotsent, 2003-2004 yillarda kafedra mudiri lavozimlarida ishlagan. 

2004 yil oktyabr oyidan 2005 yil yanvarigacha Toshkent davlat agrar universitetining “Qishloq xo‘jaligi mashinalari, foydalanish va ta’mirlash” kafedrasi dotsenti, 2005-2011 yillar kafedra mudiri, 2011-2013 yillar dotsent lavozimlarda ishlagan, 2014-2016 yillar “Qishloq xo‘jalik mashinalari” kafedrasi katta ilmiy xodim-izlanuvchi, 2017 yildan boshlab “TIQXMMI” MTU dotsent lavozimida ishlab kelmoqda.

Djapbar Alijanovga “O’qituvchi va murabbiylar kuni” munosabati bilan universitetimiz jamoasining qizg’in tabrigini yo’llaymiz. Doimo sihat-salomatlik va omadlar yor bo’lsin, Ustoz!

Universitet matbuot xizmati