Universitetimiz fakultetlarining dekan o‘rinbosarlari, tyutorlar, psixolog va bo‘lim boshliqlari ishtirok etgan bugungi tadbir Rektor maslahatchisi Anvar Abdurashidovich Abdusamadov bilan tanishtiruv yo‘sinida bo‘lib o‘tdi. Tanishuv tadbirini prorektor Ruzimurat Choriyev olib borarkan, universitet talabalarining ayrimlarida yo‘l qo‘yilgan noxushliklarni e'tirof etdi. Buning uchun tyutor va yoshlar bo‘yicha dekan o‘rinbosarlari ham javobgar bo‘lishini qayd etdi. Keyinchalik dekan o‘rinbosarlaridan o‘z vazifalari nuqtai nazaridan hisobotlarini tingladi.

So‘ngra Rektor maslahatchisiga navbat berdi. Anvar Abdusamadov o‘z so‘zida talaba va magistrantlarning yurish - turishi, ko‘rinishi, kiyinishi, odob-axloqi masalasiga hammamizning mas'ulligimiz zarurligini aytib bu muammoning yechimini birgalikda hamjihatlik bilan hal etishimiz kerakligini ta'kidladi.  Universitetimizning nufuzi va obro‘yi bizning o‘z vazifamizga qanday tarzda bo‘layotgan munosabatimizga bog‘liq. Shunday ekan, talabalar tabiatida qandaydir salbiy holatlarni sezsak, albatta, rektor maslahatchisiga xabar qilib ular bilan birgalikda ish olib borish ijobiy natijalarga olib borishi oynadek ravshan.

        YRK fakultetining tyutori Maftuna Turg‘unova axboroti

        Universitet matbuot xizmati