Joriy yilning 6 sentabr kuni “TIQXMMI” MTU psixologi M.K.Muhammedova va Gidromelioratsiya fakulteti tyutori G. Ahmedjanovalar hamkorlikda tadbir tashkil etishdi. Psixologning universitetdagi faoliyati va psixologik xizmat turlari bilan tanishtirish va talabalardagi adaptatsion jarayonni kuzatish maqsadida tashkillashtirilgan mazkur uchrashuvda Gidromelioratsiya fakulteti 107-108-109-guruh talabalari ishtirok etishdi. Universitet psixologi M.K.Muhammedova suhbat davomida talabalarni psixolog xizmati nimalardan iborat ekanligi va uning bajaradigan vazifasi bilan batafsil tanishtirdi. Tadbirda “Universitet psixologi faoliyati” to‘g‘risidagi bukletlar tarqatildi va barcha talabalarga “Psixolog maslahati” kanaliga aʼzo bo‘lish tavsiya qilindi. Tadbirda Xor jamoasi aʼzolari ham faol ishtirok etishib, yig‘ilish ishtirokchilariga o‘z fikr va mulohazalari haqida o‘rtoqlashib: o‘tgan yil davomida erishgan yutuqlari haqida to‘lqinlanib so‘zlab berishdi. Shundan so‘ng universitetda tashkil etilgan Xor jamoasiga iqtidori bo‘lgan talaba yoshlarning qatnashishi mumkinligi taklifi berildi. Sanʼatga qiziquvchi talaba yoshlar Xor jamoasiga aʼzo bo‘lishdi. Talabalar uyushtirilgan bu tadbirdan o‘zlarini qiziqtirgan savollarga javoblar olish bilan birgalikda bir olam taassurotlarga ega bo‘lishgan holda yig‘ilish nihoyasiga yetkazildi. 

Universitet psixologi M.K. Muhammedova axboroti

“TIQXMMI” MTU matbuot xizmati