An’anaviy tarzda o‘tkaziladigan sport musobaqalari insonni chiniqtiribgina qolmay, balki yangi o‘quv yili oldidan ruhiyatni tetik va kayfiyatni ko‘tarinki bo‘lishiga zamin hozirlashi aniq.
Marhum Ustozimiz O‘ktam Pardayevich Umurzakov xotirasiga bag‘ishlab o‘tkaziladigan 2023 yil 14-20 avgust kunlari o‘tkazilishi rejalashtirilgan “MEMORIAL CUP-2023” spartakiadasi kuni kecha start oldi. 

Universitet rektori, professor Mirzayev Baxodir Suyunovich tashabbusi bilan ommaviy sport tadbirlari dasturiga muvofiq, sportning 5 turi (mini-futbol, voleybol, basketbol, stoltennisi, shaxmat) bo‘yicha o‘tkaziladigan musobaqalar erkaklar va ayollar komandalari o‘rtasida tashkil etilgani e’tiborga molik. Spartakiada sport musobaqalarida universitetning barcha xodimlari hamda mehmon jamoalari sport turlariga mos ravishda o‘z terma jamoasi ishtirokchilari bilan ishtirok etishmoqda. 
Musobaqa natijalari haqida xabar qilib boramiz.
Universitet matbuot xizmati