Mamlakatimizda iqtidorli yoshlarning tashabbuslarini qo‘llab-quvvatlash borasida amalga oshirilayotgan ishlarni yanada jadallashtirish, ularni ilmiy-texnik faoliyatga keng jalb qilish, iqtidorli yoshlarning, jumladan, olis hududlarda istiqomat qilayotgan yigit-qizlarning bilim, ko‘nikma va malakasini oshirish maqsadida respublikamizning barcha hududlarida “Mirzo Ulug‘bek vorislari” Respublika tanlovi o‘tkazilmoqda. Joriy yilning 25-mart kuni “Mirzo Ulug‘bek vorislari”  koʻrik tanlovi Qoraqalpogʻiston Respublikasi Qoʻngʻirot  tumanidagi hokimlik binosida boʻlib oʻtdi. Bunda “Elektr ta’minoti va qayta tiklanuvchan energiya manbalari” kafedrasining EcoEnergy jamoasi sardori Yeskuatova Aygera muvaffaqiyatli ishtirok etdi va yuqori natija koʻrsatib tuman gʻolibligini qoʻlga kiritdi. Viloyat bosqichiga yoʻllanmani oldi. “Ko‘cha yoritish tizimlarini gibrid elektr stansiya orqali ta’minlash” mavzusidagi loyiha taqdimoti bilan ishtirok etdi hamda hakamlar hayʼati tomonidan esdalik sovgʻalar topshirildi. Koʻpgina qatnashuvchilar orasidan oʻzining loyihasi bilan gʻolib boʻlgan talabamiz viloyat bosqichida ham yuqori natijalarni qo‘lga kiritishni oldiga maqsad qilgan. Albatta, Aygera va boshqa tanlov ishtirokchilarga omad tilagan holda bizning “Eco Energy” oʻz faoliyatini yana ham yuqori natijalar bilan davom ettiradi. EcoEnergy jamoasining boshqa hududlarda ishtirok etayotgan a’zolaridan ham yuqori natijalar kutib qolamiz.

 “Elektr ta’minoti va qayta tiklanuvchan energiya manbalari” kafedrasi tayanch doktoranti A.Davirov axboroti

Universitet matbuot xizmati