Xalqaro integratsiyani rivojlantirish, talaba – magistrlar  darslarini xorijiy professorlar ishtrokida tashkil etish, ularga zamon bilan hamnafas dolzarb bilimlarni berish, ma’ruzalar o’tkazish, xorijiy ma’lumotlar bilan milliy ma’lumotlarni taqqoslash, analiz qilish, kelajakda esa talabalar tahsil olishini aynan hamkor xorijiy ta’lim muassasalarida tashkil etish dolzarb masala bo’lib kelmoqda.

Aynan shu maqsadda, “Hayot faoliyati xavfsizligi” kafedrasi tashabbusi bilan 1 noyabr kuni Sankt-Peterburg Politexnika Universitetidan texnika fanlari nomzodi, dotsent  Yefremov Sergey Vladimirovich  “Hayot faoliyati xavfsizligining nazariy  asoslari” mavzusida bakalavr QXM 305 va magistr M21-23 guruhlariga o’z ma’ruzalarini olib bordi. Ma’ruza doirasida, talabalar Rossiya Federatsiyasidagi hayotiy faoliyat mezonlari haqida ma’lumotlar olishdi va lokal mezonlar bilan solishtirib, analiz qilishdi. Ma’ruza doirasida talaba-magistrantlar o’zlari qiziqtirgan savollar bilan faollik ko’rsatishdi va ma’ruza so’ngida  texnika fanlari nomzodi, dotsent  Yefremov.S.V tomonidan berilgan amaliy mashg’ulotni bajarishdi. Dars yakunida, talaba-magistrantlar talabiga binoan ma’ruzalar yanada ko’proq tashkil etilishi, integratsiya kuchaytirilishi haqida kelishib olindi.

Universitet matbuot xizmati