“Traktorlar va avtomobillar” kafedrasida joriy o‘quv yilida Qishloq xo‘jaligini mexanizatsiyalash fakultetining “Qishloq va suv xo‘jaligida texnik servis” ta’lim yo‘nalishi 3-kurs talabalariga “Traktorlar va transport vositalari” fanidan 5+1 dasturi asosida dars mashg‘ulotlari jadvali tasdiqlangan bo‘lib talabalarga dars mashg‘ulotlari kafedraning “O‘zKlaasAgro” QKda joylashgan o‘quv xonasida qo‘shma korxona bosh mutaxassisi X.Babaev va kafedra assistenti R.Xudoykulov hamkorligida olib borilmoqda. Talabalarga korxonada ishlab chiqarilayotgan traktorlar va qishloq xo‘jaligi texnikalari haqida, ularda qo‘llanilgan innovatsion echimlar haqida boshlang‘ich ma’lumotlar berilib, traktorlarning va qishloq xo‘jaligi texnikalarining paydo bo‘lish tarixi, traktorlarga qo‘yiladigan talablarga aloxida to‘xtalib o‘tilmoqda. Talabalar ishlab chiqarish korxonasida tashkil qilingan dars mashg‘ulotidan o‘zlariga foydali ma’lumotlarni olib soha bo‘yicha o‘z bilimlarini mustaxkamlab bormoqdalar. Kafedrada 5+1 dasturi asosidagi dars mashg‘ulotlari o‘quv yili davomida davom ettirilishi rejalashtirilgan.