Barchamizga ma'lumki, muzeylarda saqlanayotgan noyob eksponatlar orqali insonlar ayniqsa, yosh avlodda milliy va umuminsoniy qadriyatlar, bebaho tarixiy va madaniy merosga hurmat, gurur va iftixor, Vatanga sadoqat va muhabbat tuygularini tarbiyalash va kuchaytirish muhim ahamiyatga ega.

Yoshlarni oz tarixiga hurmat ruhida tarbiyalash, hamda ularda ajdodlar qoldirgan boy madaniy merosni asrab - avaylash tuyg'ularini shakllantirish maqsadida "Suv xo'jaligini tashkil etish va boshqarish" fakulteti xotin - qizlar masalasi bo'yicha dekan maslahatchisi Ra'no Kodirova QSXET fakulteti 107- guruh talabalari bilan Temuriylar tarixi davlat muzeyiga tashrif buyurdilar.

Vatanimiz iftixori buyuk sarkarda, sohibqiron Amir Temurning hayoti va yurishlari, markazlashgan davlat uchun olib borgan sa’yi harakatlari bilan talaba yoshlar yaqindan tanishdilar, buyuk sarkarda siymosida yoshlar qalbida Vatanga bo‘lgan buyuk muhabbat jo'sh urdi.  Talaba yoshlarimiz qalblarida checksiz g'urur, iftixor, faxr hissi uyg'ondi.

Universitet matbuot xizmati