Xalqimizda dunyoning boshqa xalqlari o’rganadigan, havas qilsa arziydigan qadriyatlari, urf-odatlari talaygina. Shulardan biri — bu hashar.

Hashar — bu ijtimoiy hamkorlik va begʻaraz yordam shakllaridan biri. Necha yuz yillardan buyon davom etib kelayotgan ushbu an’anaga ko‘ra tozalik, ozodalik, ko‘cha-xiyobonlarni obod qilish, daraxtlarga ishlov berish, atrof-muhitni ozoda-sarishtaligini ta’minlash kabi ishlar bajariladi.

O‘zbekistonda 16—18 mart kunlari “Obod va fayzli mahalla — yurt ko‘rki” shiori ostida umumxalq xayriya hashari o‘tkaziladi. Prezidentimiz tomonidan hashar Navro‘z umumxalq bayramini munosib nishonlanishi hamda Ramazon oyida mahallalar, aholi turar joylarini obodonlashtirish va ko‘kalamzorlashtirish, aholining ijtimoiy himoyaga muhtoj qatlamlarini qo‘llab-quvvatlash maqsadida o‘tkaziladi. Hasharda O‘zbekistonning barcha fuqarolari faol qatnashadilar, ular o‘zlari yashab turgan ko‘chalardagi joylarga turli xil meva, archa ko‘chatlari ekib, jamoat joylarida  obodonlashtirish ishlarini olib boradilar. Hashar munosabati, bilan "TIQXMMI" MTU "Texnologik jarayonlarni avtomatlashtirish va boshqarish" kafedrasi professor-o'qtuvchilari, xodimlari va ko‘ngilli talaba yoshlari obodonlashtirish, ko‘kalamzorlashtirish va tozalik ishlarini amalga oshirishdi.