2024-yil 13-fevral kuni “Toshkent irrigatsiya va qishloq  xo‘jaligini mexanizatsiyalash muhandislari instituti” Milliy tadqiqot universiteti “Qishloq xo‘jaligini mexanizatsiyalash” fakulteti  Xotin-qizlar masalalari bo‘yicha dekan maslahatchisi  E.G‘aniboyeva, tyutor O. Abdullayeva, 2-TTJda  talaba - qizlar ishtirokida   davlat arbobi, mohir sarkarda, olim va shoir Zahiriddin Muhammad Bobur tavalludining  541 yilligiga “Ulug‘ siymolar” mavzusida davra suhbati bo‘lib o‘tdi. 

Tadbirda so‘z olgan E. G’aniboyeva mustaqillik yillarida O'zbek xalqining boy madaniy merosi, ayniqsa, buyuk bobokalonlarimiz Zahiriddin Muhammad Bobur va boshqa ko‘plab allomalar tomonidan yaratilgan nodir, bebaho ilmiy asarlarning jahon taraqqiyoti, ilm-fani rivojidagi ahamiyati, ilmiy salohiyati, insoniyat tafakkurining, ayniqsa, yosh avlod ma’naviyatini yuksaltirishdagi o‘rni va roli nihoyatda muhim ekanligini ta’kidladi. Xususan, Bobur hayoti va ijodi, o‘lmas asarlari, Boburiylarning Hindiston taraqqiyotidagi o‘rni va roli nihoyatda katta ekanligi e’tirof etildi.  Tadbirda Zahiriddin Muhammad Bobur ijodidan g‘azallar  talaba qizlar tomonidan ijro etildi. Davra suhbati qiziqarli savol-javoblar ruknida olib borildi, talabalar o‘zlarini qiziqtirgan savollariga javob oldilar. Fakultetda kelgusida talaba-yoshlarimizni olib borilishi lozim bo‘lgan ishlar bo‘yicha fikr almashildi.

“Qishloq xo‘jaligini mexanizatsiyalash”  fakulteti Xotin-qizlar masalalari bo‘yicha  dekan maslahatchisi E.G‘aniboeva Axboroti

Universitet matbuot xizmati