Xozirgi vaqtda yurtimizda xotin-qizlarga ko‘plab imkoniyatlar yaratib berilmoqda. Ularni har tamonlama qo‘llab-quvvatlash maqsadida izchil ishlar amalga oshirilmoqda. Ushbu ishlarni doimiy ravishda amalga oshirish maqsadida talaba qizlarning ilmiy va ijtimoiy loyihalarini qo‘llab-quvvatlash maqsadida “TIQXMMI” Milliy tadqiqot universiteti talaba-qizlari o‘rtasida “Ayollar biznesiga birinchi qadam” tanlovi tashkil etildi.

Tanlovda ishtirok etish istagini bildirib 35 nafar talaba qizlar ro‘yxatdan o‘tishdi. Tanlovni yuqori saviyada o‘tkazish va o‘z biznes loyihalarini amalga oshirish istagida bo‘lgan talaba qizlar uchun bir nechta seminar-treninglar davra suhbatlari tashkil etildi. Jumladan, bir nechta startap loyihalar asoschisi, o‘z biznesini samarali yo‘lga qo‘yish bilan bir qatorda Oliy ta’lim, fan va innovatsiyalar vazirligi huzuridagi startap loyihalarni moliyalashtirish bo‘yicha ilmiy-texnik kengash raisi Barnoxon Artikxodjaeva bilan hamkorlikda seminar-trening tashkil etildi.

Tanlov doirasida o‘tkazilgan seminar-treninglar davra suhbatlari natijasi o‘laroq, tanlovda qatnashgan talaba qizlar tomonidan 16 ta loyiha kelib tushdi. Kelib tushgan loyihalarni ekspertizadan o‘tkazish natijasida tanlovning navbatdagi bosqichiga 10 ta loyiha saralab olindi. 2024-yil 2-fevral kuni tanlovning navbatdagi yakuniy bosqichi tashkil etildi. Yakuniy bosqichda, saralab olingan 10 ta loyiha taqdimotlari komissiya tomonidan tinglandi. Komissiya a’zolarining yakuniy xulosalariga ko‘ra aynan alohida loyihalar g‘olib deb topilmadi. Komissiya a’zolari taqdimot qilingan loyihalarning kamchilklari hamda e’tibor qaratish kerak bo‘lgan asosiy jihatlari haqida tanlov ishtirokilariga o‘z taklif va tavsiyalarini berishdi.

Yakunda tanlovning yakuniy bosqichida ishtirok etgan barcha ishtirokchilar maxsus sertifikat hamda kitoblar jamlanmasi bilan rag‘batlantirildi. Shu o‘rinda ushbu tanlovda faol ishtirok etgan qizlarga o‘z minnatdorchiligimizni izhor etamiz shuningdek, ularni va boshqa qizlarni tashkil etiladigan keyingi tanlovlarda faol ishtirok etishga chorlab qolamiz.

Iqtidorli talabalar bo‘limi axboroti