Joriy yilning 19-yanvar sanasida “TIQXMMI” Milliy tadqiqot universiteti “Ekologiya va huquq” fakulteti tyutorlari Xursandbek Ro’zmetov va Iroda Ahmedovalar fakultetning “Ekologiya va atrof-muhit muhofazasi” ta’lim yo’nalishi talabalari bilan Islom Abdug’aniyevich Karimov muzeyiga tashrif buyurishdi. Unda xodimlar talabalarga mazkur muzey va ko’rgazmalar zali haqida batafsil ma’lumotlar berishdi.

Ko’rgazmalar zalidagi Islom Karimov bilan bog’liq har bitta rasm va portretlarning yaratilish tarixi, sababi va mualliflari, shuningdek, unda nima ma’nolarga urg’u berilganligi alohida e’tibor bilan tushuntirildi. Talabalar o’zlarini qiziqtirgan savollarini berishdi va xodimlardan batafsil javoblar ham oldilar. Sayohat qiziqarli va eng asosiysi foydali bo’ldi.

“Ekologiya va huquq” fakulteti tyutorlari I.Ahmedova va X.Ro’zmetovlar axboroti

Universitet matbuot xizmati