"Yer resurslarini boshqarish" fakulteti hamda "Gidromeliorativ ishlarni mexanizatsiyalash" fakulteti talabalari joylashgan 5 -talabalar turar joyida yoshlarning boʼsh vaqtini mazmunli oʼtkazish va ularning intellektual bilimini sinash boʼyicha navbatdagi "Zakovat" intellektual oʼyinining yana bir soni muvaffaqiyatli oʼtkazildi.

"Yer resurslarini boshqarish" fakulteti yoshlar ittifoqi boshlangʼich tashkiloti yetakchisi X.Tojiyev va "Zakovat" intellektual oʼyinining tashkilotchisi YeRB va GIM fakulteti Yoshlar bilan ishlash boʼyicha dekan muovnilari H.Eshova, O.Roʼziboyev hamda tarbiyachi pedagog Sh.Islamovalar hamkorligi va tashabbusi bilan boʼlib oʼtgan oʼyin barchada katta taassurot qoldirdi. Ushbu musobaqada talabalar turar joyida istiqomat qiluvchi talabalar ishtirokidagi jamoalaridan, "Taraqqiyot", "Tavakkal", "Osmondagi bolalar", “Аristokratlar” hamda "Intellegent" jamoalari ishtirok etishdi. Fikr-mulohazlarga boy boʼlgan bilim bellashuvida gʼolibni aniqlash biroz murakkab boʼldi. Chunki, oʼyin yakunida ikkita jamoa bir xil natija bilan tashabbusni oʼz qoʼllariga olishdi. Qoʼshimcha savollar berilganidan keyin "Intellegent" jamoasi oʼz kuchini koʼrsatdi va gʼoliblikni qoʼlga kiritdi.

Universitet matbuot xizmati