Davlatimiz rahbarining mamlakatimizda shu kungacha yoshlar siyosati bo‘yicha olib borilayotgan ishlarga tanqidiy baho berib, aniq vazifalar, takliflarni ilgari surganligi yurtimizda yashovchi har bir yoshning kelajagi va taqdiri uchun mamlakat rahbarining jon kuydirib, yuksak e’tibor qaratayotganidan dalolatdir. Prezidentimizning yurtimiz farzandlari qalbiga katta ishonch bag‘ishlovchi, hayot haqiqatidan kelib chiqib ta’kidlagan fikrlari butun O‘zbekiston yoshlarini yangi marralar sari ruhlantirib yubordi. Respublikamiz yoshlarini iqtidorini namoyon qilish va rag‘batlantirish maqsadida tashkil etilayotgan “Mirzo Ulug‘bek vorislari” respublika ko‘rik tanlovi bu borada juda yaxshi tranplindir. Nurafshon shahrida "Mirzo Ulugʻbek vorislari" Respublika tanlovining Toshkent viloyati bosqichi boʻlib oʻtdi. Natijalarga ko‘ra  “Gidromelioratsiya” fakulteti “SXMIM” yo’hnalishi 201 guruh talabasi, “Gidravlika va gidroinformatika” kafedrasi “Evrika” iqtidorli talabalar to‘garagi va “Hydroleaders” jamoasi vakilasi A.Xamdamboyeva dotsent T.Apakxujayeva rahbarligida “Avtomatik diskret sug‘orish” mavzusidagi loyihasi bilan faxrli birinchi o‘rinni egallab tanlovning uchinchi respublika bosqichiga yo‘llanmani qo‘lga kiritdi va sertifikat hamda  pul mukofoti bilan taqdirlandi.

Universitet matbuot xizmati