“TIQXMMI” Milliy tadqiqot universitetida “Startap: nazariya, amaliyot, ilmiy tadqiqotlar va biznes integratsiyasi” mavzusidagi yozgi maktab o‘z ishini boshlagani haqida xabar bergan edik. Yozgi maktabning to‘rtinchi kunida xalqaro toifadagi trenerlar tomonidan jamoalarni shakllantirish, jamoa a’zolariga motivatsiya va startaplar uchun bozorlarni belgilash, loyihaga investitsiya jalb qilish bo‘yicha amaliy darslar tashkil etildi. 

Darslar qizg‘in savol-javob va muhokamalarga boy tarzda bo‘lib o‘tmoqda. Kunlik darslar yakuniga yetgach talabalarning bo‘sh vaqtlarini mazmunli o‘tkazish maqsadida sport tadbirlari o‘tkazilmoqda. Ma’lumot uchun yozgi maktab joriy yil 6-iyul sanasiga qadar davom etadi. Darslar “Startap tashabbuslari” dasturi koordinatori Usmon Raximjonov, Click.uz maslahatchisi, mustaqil ekspert Aziz Rahimovlar tomonidan olib borilmoqda.

                  Iqtidorli talabalarni ilmiy tadqiqot ishlarini tashkil etish bo’limi axboroti

Universitet matbuot xizmati