Joriy yilning 8-sentabr Juma kuni roppa-rosa soat 8:30 da "Energetika" fakulteti 1-bosqich talabalari bilan fakultetning "Yoshlar ittifoqi" BT tashkiloti uchrashuv oʻtkazdi. Tadbir tyutor B.Abdullayev hamda Fakultet "Yoshlar ittifoqi" BT sardori A.Ubaydullayev boshchiligida 8-zalda boʻlib oʻtdi. Yigʻilishni tashkillashtirishdan asosiy sabab 1-bosqich talabalariga avvalo "Yoshlar ittifoqi" qanday tashkilot ekanligi, uning oʻrni, yoʻnalishlari, undagi faol chora - tadbirlar toʻgʻrisida chuqur maʼlumotlar berib oʻtish edi.

Yigʻilish qiziq va talabalar faol qatnashganidan buni anglab olish qiyin emas. Soʻngra "Energetikda" fakultetining "Yoshlar ittifoqi" BT tashkiloti sardori A.Ubaydullayev tomonidan talabalarga yoʻnalishlar berilib sardorlar tanishtirib oʻtildi. Bunda ularning vazifalari toʻliq tushuntirildi desak mubolagʻa boʻlmaydi. Ittifoqning "Startap va yangi loyihalar bilan ishlar hamda takomillashtirish" deb nomlangan yoʻnalishi boʻyicha davra suhbatini Texnika fanlari doktori, PhD E.Ozodov talabalarga juda tushunarli qilib slaydlar asosida ma'lumotlar berdi. Bu esa oʻz loyihasi bor va uni takomillashtirish istagida boʻlgan talabalar uchun esa juda qiziq va kerakli suhbat boʻldi. Qisqa qilib aytganda, "Yoshlar ittifoqi" 1-bosqich qaldirgʻochlarini oʻzining iliq bagʻriga quchishni boshladi. Talabalarga oʻqish mobaynida ulkan zafarlar tilab qolamiz.

"Energetika" fakulteti 2-bosqich talabasi Shukurullayev Toshpoʻlat axboroti

Universitet matbuot xizmati