“TIQXMMI” Milliy tadqiqot universiteti Rektori professor Bahodir Mirzayev “Qurilishni tashkillashtirish va texnologiyasi” kafedrasi qoshida Avstriya Respublikasining Felder Group kompaniyasi bilan hamkorlikda “Yog‘ochga Ishlov Berish Innovatsion Markazi” qurilishi va ochilish marosimi oldidan tashrif buyurdi.

Markaz avtomatlashtirilgan zamonaviy uskunalar, shu jumladan kompyuter orqali raqamli dasturlarda boshqariladigan dastgohlar va klassik uskunalar bilan jihozlandi.

Ushbu, ixtisoslashgan zamonaviy taʼlim markazida yog‘ochga ishlov berish sanoati sohasi uchun yuqori malakali mutaxassislar tayyorlanadi.  

Markazda turli taʼlim dasturlari jumladan, talabalar uchun o‘quv kurslari, xususiy kompaniyalar xodimlari uchun kasb-hunar taʼlimi va O‘zbekistonda yog‘ochga ishlov berish sohasini rivojlantirishga ko‘maklashuvchi boshqa o‘quv tadbirlari amalga oshiriladi.