Bugungi kunda yurtimizda amalga oshirilayotgan islohotlar markazida yoshlarga bo‘lgan eʼtiborni kuchaytirilayotganligi bejiz emas. Shu maqsadda yoshlarni har tamonlama qo‘llab quvvatlash, talabalarning ilmiy salohiyati, qobilyatlarini oshirish hamda iqtidorli talabalarni soha bo‘yicha ilmiy yangilik va innovatsiyalarni yaratishga yo‘naltirish ustuvor vazifalardan biri hisoblanadi.

Ushbu maqsad va vazifalarni inobatga olgan holda, “TIQXMMI” Milliy tadqiqot universitetida mavjud fakultet talabalari bilan turkum uchrashuvlar amalga oshirilmoqda.

Joriy yil 1-fevral kuni “Qishloq va suv xo'jaligi energiya ta'minoti” fakulteti 1-bosqich talabalari bilan uchrashuv tashkil etildi. Uchrashuvni Iqtidorli talabalar bo‘limi boshlig‘i Zahiriddin Xolmatov va “Ilmiy-innovatsion klaster” menejeri Ozodov E’zozlar olib borishdi.

Tadbirdan ko‘zlangan maqsad universitetimiz iqtidorli yoshlarni kashf qilish, startap hamda ilmiy faoliyatlarga keng jalb qilish va ushbu sohalarga qiziquvhi talabalarga amaliy yordam berishdan iboratdir.

Uchrashuvda Universitet tomonidan iqtidorli talabalarga yaratilgan imkoniyatlar, o‘z g‘oyasiga ega talabalar startap loyihalarini qanday amalga oshirish, davlat stipendiyalari va boshqa ko‘plab imkoniyatlar xususida so‘z olib borildi.

Bu kabi amaliy tadbirlar barcha fakultetlarda o‘tkazilishi rejalashtirilgan.

Uchrashuvlar davom etmoqda…

Iqtidorli talabalar bo‘limi axboroti
Universitet matbuot xizmati