Shuni mamnuniyat bilan e’lon qilamizki, joriy yilning 23 aprel sanasida universitetimiz rektori Prof. Mirzayev Baxodir Suyunovich va Vengriyaning Obuda Universiteti rektori Prof. Levente Kovacs tomonidan Pannonia Stipendiyasi Dasturi (Pannonia Scholarship Programme) boʻyicha ikki tomonlama shartnoma imzolandi. Imzolangan bitimga ko’ra “Toshkent irrigatsiya va qishloq xo’jaligini mexanizatsiyalash muxandislari instituti” Milliy tadqiqot universiteti, O’zbekiston Respublikasi va Obuda universiteti, Vengriya  hamkor oliy taʼlim muassasalari sifatida Pannonia Stipendiyasi dasturi doirasida talabalar, magistrlar, doktaorantlar va professor-o’qituvchilarning mobillik almashinuvi doirasida  yanada yaqin hamkorlik qilishga intilishidan dalolat beradi.

Pannonia Stipendiyasi dasturi Vengriya hukumati tomonidan moliyalashtiriladi va Vengriya oliy ta'lim sektorining xalqaro munosabatlarni mustahkamlashga qaratilgan mobillik dasturi xisoblanadi. Dastur Yevropa Ittifoqi mamlakatlari va xamkor Oliy Ta’lim Musasasalar o’rtasida ham mobillik uchun  universitetimiz talaba va professor’o’qituvchilariga ajoyib imkoniyatlar eshigini ochadi.

Dastur talabalar, o'qituvchilar, tadqiqotchilar va har ikkala universitet  xodimlari uchun ikkita asosiy yo'nalishda mobilllik imkoniyatlarini taqdim etadi.    Birinchisi, talabalar, o'qituvchilar, tadqiqotchilar uchun uzoq va qisqa muddatli harakatchanlik uchun umumiy mobillik stipendiyasidir. Ikkinchisi uzluksiz ta'lim dasturi bo'lib, faqat talabalar uchungina uzoq muddatli va blended mobillik dasturlarini taklif qiladi. Mazkur bitim universitetimizning barcha fakultetlariga mos keladi. Tanlov ishtirokchilaridan Ingliz tilini bilish xalqaro sertifikati so’raladi.

Ushbu bitimning maqsadi – universitetlar o‘rtasida mobillik va almashinuv sohasida bir qator hamkorlikdagi faoliytalarni mustaxkalmalshga asos yaratishdir. Mazkur dastur 2024/2025-2028/2029 m.uddat doirasida amal qiladi, universitetimizda yangi o’quv yili 2024-2025dan boshlab kuchga kiradi.

Pannonia Stipendiyasi Dasturi bo’yicha barcha yangiliklarni universitetimiz vebsaytida kuzatib borishingiz mumkin.

Qo’shimcha ma’lumot uchun “Ingliz tili” kafedrasi dotsenti Go’zal Eshchanovaga ( eshchanova.guzal@uni-obuda.hu) murojaat qilishingiz mumkin.