Alisher Navoiy nomidagi Oʻzbekiston Milliy kutubxonasida joriy yilning 19-aprel kuni Oʻzbekiston Qahramoni, Oʻzbekiston xalq shoiri Abdulla Oripovning "Abdulla Oripov zamondoshlar xotirasida" xotira kitobi, "Shoirning tugʻilishi" she'riy toʻplami, "E'tirof" bagʻishlovlar hamda rus tilidagi " Veter moego kraya" kitoblari taqdimoti Respublika kitobxonlik haftaligi doirasida boʻlib oʻtdi.

Tadbirda Oʻzbekiston Yozuvchilar uyushmasi raisi, Oʻzbekiston xalq shoiri Sirojiddin Sayyid boshchiligida bir guruh ijodkorlar  jamoasi  hamda "TIQXMMI" Milliy tadqiqot universitetining birinchi prorektori Roʻzimurod Choriyev, kafedra professor- oʻqituvchilari, universitet  ijodkor va faol talabalari, Abdulla Oripov stipendiantlari  hamda  keng jamoatchilik vakillari ishtirok etishdi.

Ushbu taqdimotda Milliy tadqiqot universitetining birinchi prorektori  nutq so'zlar ekan, oliygohda tashkil etilgan  Abdulla Oripov muzeyi, talabalarning chop etilgan ijodiy ishlari, kitoblari va galdagi vazifalar haqida o'z fikrlarini bildirdilar.  Taqdimot yakunida ta'lim muassasasining  kutubxonasi uchun shoir kitoblari sovg'a qilindi.

Barcha ishtirokchilar tadbirdan estalik bo’lishi uchun rasmga tushdilar.  Taassurotlar bilan o'rtoqlashgan  ijodkorlar: ma'naviyatli yoshlar albatta kitob mutolaa qilishi lozim ekanligiga yana bir karra amin bo'lishdi.

"O'zbek tili va adabiyot" kafedrasi dotsenti NilufaR Yuldasheva axboroti

       Universitet matbuot xizmati