Prezidentimiz "Bugungi shiddatli zamon oldimizga qanday murakkab vazifalarni qo‘yayotganini barchamiz ko‘rib, bilib turibmiz. Ularni hal etish va ezgu maqsadlarimizga yetish, dunyo miqyosida raqobatbardosh bo‘lish uchun xalqimizni, avvalambor, yoshlarimizni ilm-fan, ma’rifat va ma’naviyat, taraqqiyot yutuqlari bilan qurollantirishimiz kerak."- degandilar. Xuddi shunday qurollantira oladigan qobiliyatli pedagoglarimizning safi kengayishi quvonarlidir.

"Buxgalteriya hisobi va audit" kafedrasi dotsenti Xodjimuxamedova Shaxida Ibragimovna ana shunday ustozlarimizdandir. 42-yillik pedagogik faoliyati mobaynida da qanchadan - qancha shogirdlar chiqazgan. Ular pedagogik faoliyati davomida 2 ta darslik, 3 ta monografiya, 6 ta o‘quv qo‘llanma hamda 50 dan ortiq ilmiy maqolalar yozgan.

Shuningdek, "TIQXMMI" MTU "Yil ayoli-2022" ko‘rik - tanlovida "Yilning eng faol olima ayoli" nominatsiyasi bo‘yicha 1-darajali diplom bilan taqdirlangan.

Universitetimiz jamoasi nomidan ustozni sidqidildan tabriklaymiz. Oila a’zolari va jamoamiz baxtiga hamisha  sog‘u omon bo‘lsinlar. "O’qituvchi va murabbiylar kuni" bilan muborakbod etamiz.

             Universitet matbuot xizmati