Prezidentimiz Shavkat Mirziyoyev "Bugungi kunda oliy ta’lim tizimini yangi sifat bosqichiga ko‘tarish, sohadagi mavjud muammolarni bartaraf etish, oliygohlarimizni ta’lim va ilm-fanning yirik markazlariga aylantirish bo‘yicha boshlagan katta ishlarimizni jadal davom ettirishimiz lozim"-deya qilgan da’vatlarida pedagoglarga mas’ullik hamda majburiyat tuyg‘usi bor.

Har bir inson hayotda qanday yutuqqa erishgan bo‘lsa, ularda qadrdon o‘qituvchi va ustozlarning beqiyos hissasi borligini umrbod minnatdorchilik bilan eslaydi.

Barchamizga yaxshi tanish bo‘lgan, universitet yutuqlarida hamda talabalarga sifatli ta’lim berishda beqiyos hissalarini qo‘shib kelayotgan "Umumtexnik fanlar" kafedrasi mudiri, dotsent Xasan Ishimovich Turkmenov 35 yildan buyon ta’lim dargohimizda faoliyat yuritib kelmoqdalar.

Xasan Ishimovich faoliyati davomida 10 ga yaqin darslik va o‘quv qo‘llanmalar, 100 ga yaqin ilmiy maqolalar muallifi va fidoiy ustozlarimizdan biridir.

Biz universitet jamoasi nomidan kasbiy bayramimiz munosabati bilan Xasan Ishimovich Turkmenovni kasbiy bayramlari bilan samimiy tabriklaymiz. Ustozning shaxsiy va ilmiy faoliyatlarida ulkan muvaffaqiyatlar tilab qolamiz.

      Universitet matbuot xizmati