Haq yolinda kim sanga bir xarf o‘qitmish ranj ila,

Aylamak bo‘lmas ado oning haqqin yuz ganj ila.

Har bir inson, qayerda ishlamasin, qanday kasb egasi bo‘lmasin, unga bilim va tarbiya berib, mustaqil hayotga yo‘llagan insonni hurmat bilan esga oladi. Har bir insonning komil shaxs bo‘lib voya¬ga yetishida, yetuk kasb egasi bo‘lib jamiyatda o‘z o‘rnini topishida ustoz-muallimlarning o‘rni juda muhim. Fidoyi, zahmatkash muallim-o‘qituvchilar o‘z shogirdlariga bilim berish barobarida ular qalbiga insonga xos eng go‘zal ezgu xislatlarni, mehr-oqibat va odamiylik tuyg‘ularini singdirib boradi.

Kafedramizning zabardast ustozi professot Sangirov Ravshan Sangirovich o‘zining bosib o‘tgan sharafli yoli davomida ko‘plab talabalarga bilim berish orqali ularni hayotda o‘z o‘rinlarini topishlarida munosib hissasini qo‘shganlar. Bugungi kunda keksalik davrini surayotgan ustozimizni suhbarlarini olar ekanmiz bu inson hamisha bizga to‘g‘ri yol ko‘rsatib kelganliklarini anlaymiz. Bayram yo‘qlovi munosabati bilan “Gumanitar fanlar” kafedrasining professor-o‘qituvchilaridan falsafa fanlari doktori, professor Q.Nazarov, tarix fanlari nomzodi, dotsent X.Botirova va katta o‘qituvchi M.Xakimovalar ustoz bilan hamsuhbat bo‘ldilar. Aziz ustozlar sizni kasb bayramlaringiz bilan chin dildan tabriklaymiz.  Yuksak mas’uliyatli, mashaqqatli va sharafli meh¬natingizda zafarlar, oilaviy hayotingizda esa baxt, omad yor bo‘lishini tilab qolamiz.

“Gumanitar fanlar” kafedrasi professor – o‘qituvchilari