4-iyun kuni “Toshkent irrigatsiya va qishloq xo’jaligini mexanizatsiyalash muhandislari instituti” Milliy tadqiqot universiteti talabalari bilan Urganch davlat universiteti rektori B.Abdullayev hamda Xalqaro hamkorlik boʻyicha prorektor Gʻ.Oʻrazboyevlarning uchrashuvi boʻlib oʻtdi.

Uchrashuvda rektor B.Abdullayev talabalar bilan samimiy suhbatlashdi. Universitetda bu kabi yozgi maktablarning anʼanaviy tarzda tashkil etilishi hamda ularga Respublika va xorijiy universitet olimlarining jalb etilishi, Xorazm viloyatidagi turistik hududlar, “Qatag’on qurbonlari xotirasi” muzeyi, Bog’ot tumanidagi “Qalajiq qal’a” maskani hamda Xiva “Ichan qalʼa” majmualariga sayohatlar uyushtirish borasida suhbatlashdi.

Talabalarimiz rektor bilan uchrashuvdan so’ng Xorazmdagi yirik korxonalardan hisoblangan “Tilla Domor” sutni qayta ishlash korxonasiga tashrif buyurishdi. U yerda talabalarimizni yirik tadbirkor Umar Sharipov kutib oldi. Dastlab Umar Sharipov o’z mutaxasisligi bilan o’zlashtirgan bu sohaning asosiy tamoyillarini aytib o’tdilar.  Talabalarmiz korxonada sutni qayta ishlashning zamonaviy  texnologiyalari, jarayondagi asosiy murakkabliklar bilan tanishishdi.