25 may "So‘ngi qo‘ng‘iroq" kuni munosabati bilan «TIQXMMI» Milliy tadqiqot universiteti rektori Mirzaev Baxodir Suyunovich o‘zi tahsil olgan Qashqadaryo viloyati Nishon tumani 3 umumiy o‘rta ta’lim maktabi bayram dasturida bo‘ldi. Unda Nishon tumani hokimi Botir Tog‘aev, tuman Maktabgacha va maktab talimi bo‘limi boshlig‘i Baxriddin Davlanov va viloyatdan bir gurux mehmonlar ishtirok etdilar. Rektor maktab bitiruvchilarini muborakbod etib, kelgusi ishlari va o‘z oldilariga qo‘ygan maqsadlari yo‘lida katta zafarlar tiladi.

Shuningdek, ushbu maskanda ko‘p yillar mobaynida mehnat qilgan o‘qituvchi va murabbiylarga faxriy yorlig‘ va estalik sovg‘alari taqdim etildi. "Shu fursatdan foydalanib, sizlarni tarbiya qilgan, qiyin paytlarda qo‘llab-quvvatlagan ota-ona va yaqinlaringizga, bilim va tarbiya bergan ustozlaringizga minnatdorlik bildiraman" - deydi universitet rektori. 3 sonli umumiy o‘rta maktab kutubxonasiga 100 dan ortiq badiiy kitoblar va dars o‘tgan ustozlariga esdalik sovg‘alari topshirdi.

Shuningdek, maktabning iqtidorli o‘quvchilari uchun Faxriy Bitiruvchi stipendiyasi tasis etildi. Iqtidorli yoshlarni qo‘llab-quvvatlash, ularning bandligiga ko‘maklashish, tadbirkorlik g‘oya va tashabbuslarini rag‘batlantirish, ular munosib daromad olishi uchun qo‘shimcha sharoitlar yaratish, bu borada olib borilayotgan ishlarni yangi bosqichga olib chiqish maqsadida «TIQXMMI» Milliy tadqqiot universiteti va Nishon tumani 3 umumiy o‘rta ta’lim maktabi o‘rtasida hamkorlik memorandumi imzolandi.