Universitetimizning turli fakultetlarida tahsil olayotgan - adabiyot ixlosmandlari, she'riyatga oshno talabalari O'zbek millatining asl qahramoni, vatan kuychisi, mamlakat madhiyasining muallifi A.Oripov siymosini xotirlashni an'anaga aylantirgan. Joriy yilning 28 - aprel kuni “TIQXMMI” MTU “Gidrotexnika qurilishi” fakulteti dekan o‘rinbosari A.Azimov, tyutorlari D.Xursandova, X.Saidova, A.Xaydarov boshchiligida fakultetning faol, iqtidorli talabalari O‘zbekiston qahramoni Abdulla Oripovni xotirlash maqsadida “Adiblar хiyoboni”dagi shoirning haykali poyida katta tadbir uyushtirildi.

Fakultet talabalari tadbirda shoirning ijodini  chuqur hurmat bilan  o'rganib, Vatanga mehr-muhabbat bilan yo'g'irilgan “Men nechun sevaman O'zbekistonni”, “O'zbekiston”, “Yurtim shamoli” kabi she'rlarini yod olib, har bir so'zi zamirida yashiringan olam-olam ma'noni his qilgan holda  o'qib berishdi. Shuningdek, tadbirda Universitet “Iqtisodiyot” fakultetining 1-bosqich talabalaridan U.Matkarimov va Sh.Ermamatov A.Oripov xotirasiga bag'ishlangan o'zlarining  ijod namunalaridan  o’qib, ishtirokchilarni bahramand qilishdi.

Tadbirda qatnashgan talabalar shoir va jamoat arbobi A.Oripovni yana bir marta kashf qilishdi, uning siymosi oldida ta'zim qilishdi. Shoirning hayot yo'llariga yana bir marta nazar solishdi. Har bir talaba ana shunday farzandi bor yurtning vakili ekanidan g'ururlanishdi.

“Gidrotexnika qurilishi” fakulteti tyutori D.Xursandova axboroti

Universitet matbuot xizmati