“GM” fakulteti 1-2-3-4 bosqich bakalavr talabalari o’rtasida. 05.11.2021 yil kuni B bino katta zalida Gidmotelioratsiya fakultetining Zakovat intellektual o'yini fakultet dekan kubogi bo'lib o'tdi. O’yinni fakultet Yoshlar bilan ishlash va ma’naviy-ma’rifiy ishlari bo’yicha dekan muovini Z.Abdurashidov ochib berdi. O’yinni tartib qoidalari bilan fakultet tyuterlari Raximov Ikrom va Dilbar Egamovalar batafsil tanishtirdi Yoshlar Ittifoqi Kengashi yetakchisi S.Azimov  boshchiligida qura tashlash yo’li bilan kurslar kesimida raqib jamoalar aniqlab olindi. Bunga ko’ra 1-bosqich talabalari 3-bosqich talabalari bilan, 2-bosqich talabalari 4-bosqich talabalari bilan bellashadigan bo’lishdi.  Birinchi bellashgan jamoalarga berilgan 10 ta savollarga olingan javoblarga ko’ra  1-bosqich talabalari g’olib bo’lishdi. Ikkinchi jamoalar o’rtasidagi bellashuvda esa 2-bosqich talabalari g’oliblikni qo’lga kiritishdi. Shundan so’ng, g’olib jamoalar  o’zaro  bellashdi.

G’olib jamoalar o’rtasidagi bahs juda qizg’in va murosasiz tus oldi. Ular berilgan savolarga qisqa vaqt ichida to’liq javob berishdi. Unga ko'ra kurslar kesimida 2-bosqich talabalari mutloq g’olib deb topilib, faxrli birinchi o'rinni egalladilar. Hay’at a’zolari g’olib jamoalarni  diplom va estalik sovg’alar bilan taqdirlashdi. Bunga ko’ra, jamoa a’zolariga bo’sh vaqtlarida ilmlarini yanada charxlash uchun mashhur yozuvchilar ijodida kitoblar topshirildi. Z..Abdurashidov va institut faollari bundan keyingi zakovat o’yinlarida jamoalarga yanada kuchliroq, yanada yetuk bo’lishlarini aytib, albatta bu harakatlari e’tiborsiz qolmasligini aytib o’tdi. Ularni bu say-harakatlarini tog’ri baholash maqsadida institutda bunday o’yinlarni ko’proq bo’lib o’tilishini aytib o’tishdi. Shundan so’ng, jamoalar bir-birlarini g’oliblik bilan tabriklab, keyingi bosqichlarda muvaffaqiyat tilashdi. Shu bilan zakovat intellektual o’yini yuqori natijalar bilan yakunlandi. Tadbir yakunida barcha talabalarni talab va istaklarini inobatga olib, bu kabi tadbirlar yanada ko`proq bo`lishligi kelishib olindi.

Dekan muovini:                                                      Z.Abdurashidov