Xitoy Qishloq xo‘jaligi universitetiprofessori, Bioenergiya fanlari va texnologiyalari xalqaro tadqiqotlar markazi vaQishloq xo‘jaligi vazirligining toza ishlab chiqarish va qayta tiklanadigan energiya laboratoriyasi Bosh Direktori Renji Dong, Xitoy qishloq xo‘jaligi universiteti muhandislik kolleji bioenergiya, atrof-muhit fanlari va texnologiyalari laboratoriyasining professori va Xitoy Qishloq xo‘jaligi vazirligi kotibi Yuguang Chjoulardan iborat mehmonlar «TIQXMMI» Milliy tadqiqot universitetida bo‘lishdi.

Uchrashuvda oliy ta’limdagi imkoniyatlar, hamkorlikda amalga oshirilayotgan xalqaro loyihalar haqida ma’lumot berildi. Suhbat davomida «TIQXMMI» Milliy tadqiqot universitetining ushbu yo‘nalishdagi eng yaqin hamkor mamlakati aynan Xitoy Respublikasi ekanligi, ko‘rsatkichlar kun sayin ortib borayotgani rektor tomonidan ta’kidlandi.

Uchrashuvda ikki universitet o‘rtasida hamkorlik memorandumi imzolandi. Unga ko‘ra, endilikda tadqiqotchilar va talabalar almashinuvini yo‘lga qo‘yish, ilmiy-tadqiqot loyihalar ustida birgalikda ishlash va professor-o‘qituvchilar bilan hamkorlikda nashr etilayotgan maqolalar ko‘rsatkichlarini oshirish kabi yo‘nalishlarda hamkorlik yanada mustahkamlanadi.