Markaziy va G‘arbiy Osiyo hamda Shimoliy Amerikada mustahkam bo‘lmagan holatdan barqaror (chidamli)  bo‘lgan CGIAR tomonidan qo‘llab-quvvatlanadigan (F2R CWANA) loyiha doirasida 2023 yil 30 yanvar- 3 fevral kunlari O‘zbekiston Respublikasi Qishloq xo‘jaligi vazirligi huzuridagi Qishloq xo‘jaligini rivojlantirish xalqaro ilmiy markazi (ISCAD), Xalqaro oziq-ovqat siyosati tadqiqot instituti (IFPRI), Qurg‘oqchil hududlarda qishloq xo‘jaligi tadqiqotlari xalqaro markazi (ICARDA), Xalqaro suv tadqiqotlari instituti (IWMI) va Toshkentdagi Xalqaro Vestminster universiteti (TWIU) bilan hamkorlikda amaliy ekonometrik tahlil bo‘yicha trening kursini tashkil qilindi.

Mazkur treningda ishtirok etish maqsadida Respublika bo‘ylab barcha tashkilotlardan ko‘plab talabgorlar arizalar topshirishdi va ular orasidan kuchli nomzodlar saralab olindi. Ushbu nomzodlar orasida Universitetimizning 08.00.04 - Qishloq xo‘jaligi iqtisodiyoti ixtisosligi bo‘yicha 3 nafar tayanch doktorantlari : Tosheva Maftuna Rustamovna , Yestekov Aktilek Uralxanovich, Shaxnoza Hamroeva hamda 05.09.07-Gidravlika va muhandislik gidrologiyasi ixtisosligi bo‘yicha  1 nafar tayanch doktorant Davronjon Allayorovlar tanlab olindi.

O‘quv kursining maqsadi O‘zbekistondagi yosh olimlar, iqtisodchilar/tadqiqotchilarning miqdoriy tadqiqotlar, iqtisodiy-siyosiy jarayonlar tahlili, xususan, qishloq-oziq-ovqat sektorini rivojlantirish mazmunidagi ijtimoiy-iqtisodiy hodisalarni ekonometrik tahlil qilish uchun mavjud salohiyatini yanada mustahkamlashga qaratilgan. Hozirda universitet  tadqiqotchilarning qishloq oziq-ovqat sektori va unga tegishli barcha sohalarda ishonchli va shaffof amaliy-siyosiy tadqiqotlarni o‘tkazish hamda ularning ta’sirini baholash qobiliyatini mustahkamlashmoqdalar. Mashg‘ulotlar STATA va R kabi ilg‘or statistik paketlardan foydalangan holda amaliy va empirik tahlillarni uyg‘unlashtirgan. O‘quv kursining ishchi tillari ingliz va o‘zbek tillarida bo‘lib o‘tmoqda.

Maftuna Rustamovna axboroti