Universitet professor o‘qituvchilari xalqaro universitetlar olimlari bilan o‘zaro ilmiy-ijodiy ishlar samaradorligini oshirish, ilmiy faoliyatda xalqaro integratsiyani yanada mustahkamlash, xalqaro tajribalarni o'rganish borasida qator amaliy ishlar olib borilmoqda. Shu kabi ishlarning Iqtisodiyot fakultetida ham yo'lga qo'yilishi darajasi ham kundan-kunga ortib bormoqda. 
Xususan, joriy yilning 1-9-fevral kunlari “Iqtisodiyot” fakulteti “Iqtisodiyot” kafedrasi Dunyoning nufuzli QS reytingida 43-o'rinda turuvchi Monash universiteti vakillarini kutib oldi. Monash universiteti professori Norita Mohd Nasir tashrifi davomida universitetlarimiz o'rtasidagi xalqaro aloqalarni jadallashtirish, o‘zaro ilmiy izlanishlar olib borish, loyihalarda birgalikda hamkorlik qilish, professorlar hamda talabalar almashinuvini amalga oshirish bo‘yicha kelishuvlar muhokama qilindi.

Malayziyaning Monash universiteti va “TIQXMMI” MTU oliygohlarida mavjud bo'lgan fakultetlar hamda qilinayotgan strategik aloqalarni  rejalashtirish, universitetlarda mavjud imkoniyatlar ko'lami haqida o'zaro fikr almashildi. Shuningdek,universitetimizning innovatsion klasteri, kutubxonasi va boshqa binolari bilan yaqindan  tanishtirildi. Ma’lumot uchun, universitetimizning “Iqtisodiyot” kafedrasi dotsenti, PhD Saidova Marhabo Xabibullo qizi 2023-yilning 1-15-dekabr kunlari Monash universitetiga tashrif buyurib, universitetdagi mavjud shart sharoitlar, yaratilgan imkoniyatlar, turdosh yo'nalishlar bilan tanishib chiqib tajriba orttirgan edi. Navbatdagi tashrif Monash va “TIQXMMI” MTU universitetlari o'rtasida yanayam yuqori darajada do'stlik va hamkorlik aloqalarini rivojlantirishga yordam berishiga ishonamiz. Iqtisodiyot fakultetida xalqaro hamkorlik masalalari bo'yicha keng ko'lamli ishlar davom ettiriladi. 

“Iqtisodiyot” fakulteti 2-bosqich talabasi Z.Pardayeva axboroti