Joriy yilning 5-aprel kuni “Energetika” fakulteti TJAB kafedrasi assistenti N.Azizova va kafedra dotsenti E.Bozorovlar tomonidan 3-talabalar turar joyida talaba qizlar bilan uchrashildi. Qizlar bilan “Tejamkorlik-yarim boylik!” mavzusida suhbatlashildi. Ularga elektr chiroqlarini yoqilgan holatda qoldirmaslik, oshxonada behuda elektr plitasidan foydalanmaslik haqida tushunchalar berildi.

Suhbat davomida N.Azizova tomonidan tejamkorlikka oid “Birin-birin ming boʻlur", "Toma-toma koʻl boʻlur”, “Donni yiqqan donodir”, “Ortib qolsa qozonda, Isitib yersan azonda” kabi oʻzbek xalq maqollaridan misollar keltirib, talaba qizlar oʻrtasida qizg’in suhbat o’tkazildi. Suhbat davomida talaba-qizlar tomonidan shunday mavzularda tez-tez uchrashuvlar oʻtkazib turilishi haqida takliflar bildirildi.

Xotin-qizlar masalalari boʻyicha dekan maslahatchisi Ch.Oxunboboyeva axboroti

Universitet matbuot xizmati