Joriy yilning 15-noyabr kuni "QSXET" fakulteti 107-guruh "MEM" y o'nalishi talabalari bilan "TIQXMMI" MTU psixologi M.K.Muhammedova va guruh tyutori B.Abdullayev hamkorligida “Agglyutinatsiya nima?” mavzusida seminar trening tashkil etildi. Bundan ko'zlangan asosiy maqsad talabalarning mustaqil fikrlash doirasini kengaytirish, ularning qiziqishlarini, tasavvur dunyolarini boyitish hamda psixoemotsional stresslarni oldini olishdan iborat. Tadbir avvalida talabalardan oliygohga, o'qish jarayoniga qay darajada adaptatsiya hosil qilganliklarini aniqlash, guruhdagi psixologik sferani bilish maqsadida o'tkazilgan testlar natijasiga ko'ra: barcha talabalarda moslashuv darajasi o'rta va yuqori, guruhdagi psixologik sfera pozitiv darajada ekani yaqqol namoyon bo'ldi.   

            Tadbirda talabalrning ijodiy qobiliyatlarini shakllantirishga qaratilgan agglyutinatsiya mavzusiga oid trening mashg'ulotlar guruh ishtirokchilariga pozitiv kayfiyat baxsh etdi. Mashg'ulot davomida M.K.Muhammedova tomonidan “Birovning haqiga xiyonat” mavzusida  ma'lumotlar berib o'tildi va talabalar bilan fikrlar almashildi. Jarayon qiziq tus olganidan tanaffusni ham sezmay qolishgan talabalar trening tashkilotchilaridan mamnun bo'lishdi. Tadbir ko'tarinki kayfiyatda, kashfiyotlarni yaratishga undovchi antiqa rasmlar chizish bilan o'z yakuniga yetdi.

QSXET fakulteti tyutori B.Abdullayev axboroti

TIQXMMI MTU matbuot xizmati