O'ziga ishonch, hamjihatlik bilan birgalikda uyushqoqlikda qilingan harakat g‘alabaga garov bo‘lishi aniq. Qiziqarli hangomalari va maqsadli, mazmundor chiqishlari bilan bir necha yildirki, o‘z muxlislarining e'tiborini qozonib kelayotgan "Targ‘ibot" jamoasining bu galgi g‘alabasi ham tasodif emas. "TIQXMMI" Milliy tadqiqot universiteti rahbariyati tomonidan ular uchun yaratilgan sharoit va imkoniyatlar o‘z natijasini ko‘rsatib kelayotgani sir emas. Targ‘ibot so‘zining o‘zagi "rag‘bat" so‘zidan. Biron ishga rag‘bat ikki tomonlama bo‘lsa, u ishonch sari yetaklaydi. Natijada harakat samarali bo‘ladi.

Bugun "Turkiston" san'at saroyida 4 ta eng kuchli jamoalar orasida "Quvnoqlar va zukkolar" musobaqaviy o‘yinda eng yuqori maksimal ball bilan g‘oliblikni qo‘lga kiritib Finalga yo‘l olishdi.

Biz shu narsaga ishonamizki, rag‘batli jamoa g‘ayratli va harakatli bo‘ladi. Demak, bundan keyin ham natijali bo‘lishi aniq. Biz faxrimiz bo‘lgan "Targ‘ibot" jamoasiga yanada ulkan zafarlar tilaymiz.

Universitet matbuot xizmati