Har oyning dushanba va payshanba kunlari oflayn tarzda, chorshanba va juma kunlari onlayn yo’sinda o'tkazilib kelinayotgan "Notiqlik san'ati" mashg'ulotlariga o’zining vertikal va gorizontal karyerasini istagan talabalar muntazam ravishda dars mashg’ulotlariga qatnashib kelayotgani quvonarlidir. O’quv jarayoni kundan - kunga qiziqarli bo'lib bormoqda. 15-aprel sanasidagi onlayn dars ham o'zgacha bir ruhda Zoom platformasida bo'lib o'tdi.

Mashg'ulot asosan amaliy tarzda bo'layotgani e’tiborga molikdir. Dars mashg’ulotlariga hayotiy tajribasida nutq mahoratiga ega bo’lgan taniqli san’atkorlar va biznesmenlarni chorlash ham ko’zda tutilgan.

Bu galdagi darsda ayrim talabalar gavjum joylarda bo'lishiga qaramasdan, notiqlikka ishtiyoqi balandligi sababli mashg'ulotda qatnashdilar. Bundan yaqqol ko’rinadiki, yoshlarning darsga bo'lgan qiziqishi, e’tibori kundan kunga ortib boryapti va maqsadlar jadallik bilan o'z samarasini bermoqda.

Talabalar bilan turli mashqlar, jumladan, "Kim topqir", "Har darsda rivoyat" “Xosu mosini top” kabi nutq o’stirish hamda ovoz va nafas mashqlari treninglari o'tkazilyapti. Onlayn darslarda maroqli lahzalarni yodga olganimizda har darsda faollik ko'rsatayotgan talabalardan biri Jasur Bobomurodovning ajoyib rivoyatlarini e'tirof etishimiz zarur.

Universitetimizning notiqlikka qiziqishi bor bo’lgan yuqori kurs talabalarini Zoom platformasida va 8 - ma'ruzalar zalida bo'layotgan darslarga qatnashishlarini taklif qilamiz. Quyida dars jadvalini ham e’tiboringizga havola qilamiz.

1 – bosqich talabalari Sarvinoz Zokirjonova va To’lqin Ergashovlar axboroti

Universitet matbuot xizmati