Talabalarni bo’sh vaqtlarini mazmunli o’tkazish va “TIQXMMI” milliy tadqiqot universitetida 2023/2024-o’quv yili davomida o’tkaziladigan tadbirlarning kalendar rejasiga muvofiq joriy yilning 27-oktabr kuni “TIQXMMI” milliy tadqiqot universiteti “Ekologiya va huquq” fakulteti tyutorlari I.Ahmedova  hamda X.Ro’zmetovlar tashabbusi bilan Talabalar turar joyida osh tayyorlandi.

Unda fakultetning TTJ da turadigan barcha 1-bosqich talabalari faol qatnashdi. Fakultetning 105-guruh talabasi Ergashev Oyatbek tomonidan tayyorlangan osh barchaga manzur bo’ldi. Talaba yoshlar tashkilotchiligi uchun ustozlariga o’z minnatdorchiligini bildirishdi. Talabalar bilan birga qozon atrofida milliy qo’shiqlar aytilib, tadbir kuy-qo’shiqlar va raqslarga ulanib ketdi.

“Ekologiya va huquq” fakulteti tyutorlari I.Ahmedova va X.Ro’zmetovlar axboroti

Universitet matbuot xizmati