O‘zbekiston Respublikasi Vazirlar Mahkamasining 31.12.2020 yildagi 820-sonli qarorlarida Oila va xotin-qizlar davlat qo‘mitasi hamda Yoshlar ishlari agentligining bo‘limlari huzurida Yoshlarni oilaviy hayotga tayyorlash markazlarini tashkil etish to‘g‘risidagi vazifalar yuklatilgan. Shu nuqtai nazardan, "TIQXMMI" MTUda ham Universitet rahbariyati tomonidan talaba yoshlarni har tomonlama qoʼllab- quvvatlashga katta e'tibor qaratilmoqda. Ya'ni, Univesitet rahbariyati va Xotin - qizlar masalalari boʼyicha maslahat Kengash raisi Z.K. Ismoilova rahbarligida “Talaba qizlarni oilaviy hayotga tayyorlash” kursi tashkil etilmoqda.

                  Kursni tashkil etishning asosiy maqsadi: “Uy hamshiraligiga tayyorlash”, “Qandolatchilik”, “Kosmetologiya”, “Мilliy taomlar” va “Massaj” yoʼnalishlarida talaba qizlarni tayyorlashdir. Shu munosabat bilan 28 noyabrda  GM VА GTQ fakultetlari talaba qizlari uchun "Oilaviy hayotga tayyorlash" kursi bo‘yicha ma'lumotlar berildi va texnika xavfsizligi qoidalari bilan tanishtirildi. Tadbirda GM va GTQ fakultetlari Xotin-qizlar masalalari boʼyicha Kengash mas'ullari, tyutorlar va HFX kafedrasi dotsenti Zulfiya Mirxasilova o‘z ma'ruzalari bilan qatnasdilar. Talaba qizlar oʼzlarini qiziqtirgan savollari bilan faol ishtirok etishdi.

Universitet matbuot xizmati