Tadbirli inson har qanday sharoitda hamisha muvaffaqiyat qozonadi, zafar quchadi. Bu o‘z-o‘zidan paydo bo‘lmaydi. Bu yutuqlarning ortida tinimsiz mehnat, intellektual salohiyat va jasorat turgani aniq. Ana shunday nisbatlarga xos bo‘lgan tadbirkorlar bilan uchrashuv talabalarga motivatsiya beradi.

BMB HOLDING asoschisi, Kuzatuv kengashi Raisi, 2022-yili “Faol tadbirkor” ko‘krak nishoni, 2023-yili “Do‘stlik” ordeni sohibi Bekzod Akmalovich Mamatqulov bilan o‘tkazilgan uchrashuv mohiyat eʼtibori bilan ahamiyatli bo‘ldi.

Dastavval, BMB Holdingning faoliyati aks ettirilgan videolavha qo‘yib berildi. 29 ta yo‘nalish bo‘yicha faoliyat yuritayotgan ushbu kompaniya rahbari Bekzod Mamatqulov bir nechta oliy taʼlim muassasalarida uchrashuvlar o‘tkazdi. U bilan hamkorlikda direktorning birinchi o‘rinbosari Mirg‘ulom Usmonov va Axborot xizmati rahbari Sherali Ortiqovlar tashrif buyurishdi. Savol-javoblar ruhida o‘tkazilgan tadbir nihoyatda samimiy va manfaatli bo‘lganini eʼtirof etish o‘rinlidir.

Prezidentimiz Sh. Mirziyoyev Davlatimiz mustaqilligining 32 yilligi munosabati bilan bayram tadbirida “Vaqtni – imkoniyatga, imkoniyatni – yutuqqa, yutuqni taraqqiyot poydevoriga aylantira olgan xalq – buyuk xalqdir”- deya fikr bildirlilar. Demak, vatdan unumli foydalanish ham muhim masala.

Bekzod Mamatqulov bilan o‘tkazilgan tadbirni yoritishda No‘monjon Ibrohimov boshchiligidagi media jamoa jonbozlik ko‘tsatdi.

         Universiteti matbuot xizmati