“TIQXMMI” MTU B bino ma'ruzalar zalida SXTEB fakulteti 1 – kurs talabalari bilan fakultet dekani R.Hakimov, fakultet yoshlar bilan ishlash dekan o'rinbosari J.Turdiyev, fakultet tyutori M.Vafoyeva va universitet psixologi M.K.Muhammedovalar ishtirokida uchrashuv tashkil etildi. Uchrashuvdan maqsad  talaba yoshlarni fakultet rahbarlari va universitet psixologi faoliyati bilan yaqindan tanishtirish edi. Uchrashuvni SXTEB fakulteti yoshlar bilan ishlash dekan o'rinbosari J.Turdiyev o'z kirish so'zi bilan davrani ochib, fakultet dekani R.Hakimovga so'z berdi.R.Hakimov universitetda talaba yoshlar uchun kelajakda dasturilamal bo'lib xizmat qiladigan nutq so'zladi. Universitetda talabalar uchun yaratilgan shart-sharoitlar bilan talabalarni tanishtirib o'tdi.

     Shundan so'ng fakultet yoshlar bilan ishlash dekan o'rinbosari J.Turdiyev psixologning inson hayotidagi tutgan o'rni haqida o'z fikrini bildirib universitet psixologi Muhayyo Kamolxonovna Muxamedovaga so'z navbatini berdi. Muhayyo Kamolxonovna Muxamedova talabalarga “Universitet psixologining faoliyati” mavzusida taqdimot qilib universitet psixologining oliygohda olib boradigan faoliyati turlari bilan talabalarni tanishtirib o'tdi. Yig'ilish so'ngida talabalar fakultet dekani R.Hakimov va universitet psixologi M.K.Muhammedovadan o'zlarini qiziqtirgan savollarga javoblar olishdi va barcha talabalarga “Psixolog maslahati” kanaliga a'zo bo'lish tavsiya qilindi. Qo'shiq    kuylashga qiziqadigan yoshlarni universitetda faoliyat boshlagan Xor guruhiga a'zo bo'lishlari mumkinligi aytib o'tildi. Tadbir qizg'in tarzda o'z yakuniga yetdi.    

Universitet psixologi M.K. Muhammedova axboroti

“TIQXMMI” MTU matbuot xizmati