Kuni kecha institutimizda "Awesome academy" mutaxisislari bilan institut talabalari oʻrtasida uchrashuv tashkil etildi. Ushrashuvni oʻquv ishlar boʻyicha prorektor Xudayarov Baxtiyor Alimovich ochib berdi va talaba-yoshlar zamonaviy kasb egallash bugungi kun talabi ekanligini takidlab oʻtdi. Shundan soʻng BOBIR AKILKHANOV IT Akademiyasi bosh menejeri Ilyos To'xtarov ma'ruza qildi, u oʻz nutqida ushbu akademiya qanday ochilganligi, ularda qanday imkoniyatlar yaratilganligi, bugungi kunda Oʻzbekistonga qaysi yoʻnalishlarda kuchli mutaxassislar tayyorlab chiqarishayotganini oʻzlarining maxsus videorolik va taqdimotlari orqali talabalarga keng va atroflicha maʼlumotlar berishdi. Koʻp yillik tajribaga ega oʻqituvchi mutaxasis Erkin Isayev talabalar oʻzini qiziqtirgan savollarga javob berishdi.

Shu bilan birga IT Akademiyasi ichida parallel ravishda oʻz faoliyatini yuritib kelayotgan til kurslari boʻyicha (ingliz tili, rus tili) OWSOME AKADEMIYASI ham oʻzining taqdimoti bilan qatnashishdi. Talabalarga mos-xos sifat, narx, muhid, koʻp yillik tajribalarga ega ustozlar bilan taminlanganligini katta ishonch bilan aytishdi va ulardan rus tili oʻqituvchi mutaxassisi Narina Sharapova oʻzining tajribalari bilan oʻrtoqlashdi. Shu bilan birga Gidromelioratsiya fakulteti Yoshlar Ittifoqi yetakchisi Sarvar Azimov tashabusi bilan institutimizda ham ushbu akademiya filiali ochilganligi maʼlum qilindi. Talabalar oʻzlariga kerakli va toʻliq, qoniqarli maʼlumotlarga ega boʻlgan talabalar oʻzlarini ushbu akademiyalar roʻyxatiga qoʻshimcha tahsil olish uchun yozildilar.

                     TIQXMMI matbuot xizmati