O‘zbekiston Respublikasi Prezidenti Sh.Mirziyoyev raisligida 2022-yil 2-aprelda o‘tkazilgan islohotlar natijadorligiga bag‘ishlangan kengaytirilgan video selektor yig‘ilishida bildirilgan vazifalar ijrosini ta’minlash maqsadida “TIQXMMI” Milliy tadqiqot universiteti rektori tomonidan “Gidromelioratsiya” fakulteti “Gidromeliorativ tizimlardan foydalanish” kafedrasiga biriktirilgan Toshkent viloyati Nurafshon shaharida joylashgan 25 - umumiy o‘rta ta’lim maktabi bilan uzoq muddatlik o‘zaro hamkorlikni yo‘lga qo‘yish maqsadida kafedraning professor-o‘qituvchilari tomonidan dastlabki tashrif amalaga oshirildi.

Tashrif davomida maktabning bugungi holati o‘rganildi va maktab o‘qituvchilari salohiyati tahlil qilindi. Hamkorlikning davomiyligini ta’minlash maqsadida ushbu maktab va kafedra o‘rtasida ta’lim-tarbiya jarayonini yaxshilash yuzasidan joriy yilning aprel-may oylarida amalga oshiriladigan ishlar bo‘yicha yo‘l xaritasi tasdiqlandi. Kelgusida amalga oshirilishi kerak bo’lgan ishlar kelishib olindi.

  “Gidromeliorativ tizimlardan foydalanish” kafedrasi: (PhD) F.Uljayev axboroti

Universitet matbuot xizmati