Xalqimizga xos mehr-muruvvat, bag‘rikenglik va saxovat ifodasi bo‘lib kelgan Qurbon hayiti barchamizga muborak bo‘lsin! Qurbon hayiti – ulug‘ bayram. Shuning uchun bu kunni yaqinlarimizni yo‘qlab ularning holidan xabar olish, yoshi ulug‘larni ziyorat qilish, muhtojlarga mehr-muruvvat ko‘rsatish, oilalarga xursandchilik ulashish va bayramning ko‘rkiga ko‘rk qo‘shadigan amali solihlar bilan o‘tkazish maqsadga muvofiqdir.

Hayit kunlarini g‘animat bilib, barcha gina-kuduratlarni unutib, kechirimli bo‘lish musulmon kishiga xos bo‘lgan go‘zal fazilatlardandir. Hurmatli talabalar bugungi kunda Siz va biz amaliyot jarayonida bo‘lganligimiz sababli barcha yaqinlarimizni telefon orqali bayram tabrigini yo‘llaymiz. Ushbu muborak ayyomda davlatimiz rahnamoligida yurtimiz ravnaqi, diyorimizning osoyishtaligi, xalq farovonligi yo‘lida olib borilayotgan barcha xayrli ishlarda Yaratganning o‘zi madadkor bo‘lishini so‘rab qolamiz.

Fakultet dekani Qodirjon Shavazov Muborak Qurbon hayiti munosabati bilan talabalarni universitetimiz nomidan samimiy tabrikladi. Shundan so‘ng u barcha talabalarni bayramona dasturxonga taklif qildi va yuqori kayfiyatda bayram nishonlandi. Talabalar o‘z minnatdorchiliklarini bildirib o‘tdilar.

“QXM” fakulteti Yoshlar bilan ishlash bo‘yicha dekan o‘rinbosari  A.Borotov axboroti

                                         Universitet matbuot xizmati