Qozog‘istonning O‘zbekistondagi favqulodda va muxtor elchisi Beybut Bakirovich Atamkulov universitetimizga tashrif buyurdi. Uchrashuvni universitetimiz rektori, professor Baxodir Suyunovich Mirzayev ochib berdi va universitet vakillarini tanishtirib o‘tishdi. Universitetimizning ta’lim, ilm va tadqiqot jarayoni haqida batafsil ma’lumot berildi.

Elchi Beybut Bakirovich Qozog‘iston va O‘zbekiston munosabatlarida iqtisodiy, ekologik, energetik masalalari bo‘yicha to‘xtalib o‘tdi. Shuningdek, suv resurslarini boshqarishda o‘ziga xoslik mintaqaviy birdamlik, hamkorlik hamda birgalikda masalalarni yechib borish muhimligiga to‘xtalib o‘tdi. Uchrashuv jonli va do‘stona tarzda bo‘lib o‘tdi.

Uchrashuvda ishtirok etgan Qozog‘istonlik talabalar, doktorantlar, hamda universitetimizning yetakchi professor-o‘qituvchilari o‘zlarini qiziqtirgan savollari to‘laqonli javob olishdi.

Uchrashuvdan so‘ng Suv resurslaridan integratsion boshqarish va To‘palang suv ombori laboratoriyasi bo‘yicha ekskursiya tashkil etildi.