2022 - yil 14 - aprel kuni “Irrigatsiya va melioratsiya” kafedrasi professori Isayev Sobirjon Husanbayevich, dotsent Bekmirzayev G‘ulom Tashpulatovich hamda assistentlar Tadjiyev Sunnat Saydaliyevich va Malikov Elyor Nazirqulovichlar Jizzax viloyati Paxtakor tumanidagi «Silverleafe» MCHJ Qo‘shma Korxonasiga tashrif buyurdi.

Qo‘shma korxonani moddiy texnik bazasi hamda dala maydonlari bilan tanishildi va mavjud muammolar o‘rganildi, kelajakdagi hamkorlik masalalari yuzasidan muzokaralar olib borildi. Bunda Qo‘shma korxona bilan kafedra o‘rtasida bakalavriatura va magistratura talabalarini amaliyot o‘tash masalari hamda tadqiqotchilar ilmiy izlanishlarini olib borish uchun zarur sharoitlar yaratish bo‘yicha hamkorlik shartnomasi tuzish masalalari muhokama qilindi.

Ma’lumot uchun, 2018 yilda Amerikaning “Silverleafe International” kompaniyasi vakillari, prezident Shavkat Mirziyoyev ma’muriyati o‘tkazayotgan islohotlarda ishtrok etish uchun O‘zbekistonga tashrif buyurishdi. O‘zbekiston hukumati ularning taklifini qabul qilishga, agrar soha modernozatsiyasi jarayonida ishtrok etish, chuqur qayta ishlash va xalqaro bozorga chiqish kabi muhim bosqichlarni qamrab oladigan vertikal – integratsion jarayonga o‘z investitsiyalari va tajribasi bilan ishtrok etish maqsad qilgani sabab bo‘ldi. Shu yilning o‘zidayoq loyihalarni amalga oshirish uchun, mahalliy hamkorlar bilan birga «Silverleafe» MCHJ Qo‘shma korxonasi tashkil etildi. Hukumat qo‘shma korxona balansiga Jizzax viloyati, Paxtakor tumanidan yer ajratib berdi.

“Irrigatsiya va melioratsiya” kafedrasi jamoasi axboroti

Universitet matbuot xizmati