Darhaqiqat, har bir millat va elatning o'z tarixi bor.  Tarix zamirida esa, milliy o'zlikni anglash, qadriyatlarga hurmat, ajdodlar xotirasiga ehtirom tuyg'usi mujassam. "Suv xo'jaligini tashkil etish va boshqarish" fakulteti xotin - qizlar masalasi bo'yicha dekan maslahatchisi Ra'no Kodirova universitetimizning bir guruh talabalari bilan "Shahidlar xotirasi xiyoboni" va  "Qatag'on qurbonlari " muzeyiga  tashrif buyurdilar. Jamiyatni ma'naviy yulsaltirishda, milliy g'oyani mustahkamlashda, yosh avlodni milliy qadriyatlarga hurmat ruhida tarbiyalashda muzeylarning alohida o'rni bor.

Muzeylarning ijtimoiy - siyosiy hayotimizda bajaradigan vazifalaridan biri ta'lim va tarbiya o'chog'i ekanligidir. Ra'no Kodirova  talabalarimizga qatag'on qurbonlari haqida 1937- 53- yillarda O'zbekistonda 100 ming odam qatag'onga uchragan. Ularning 13 ming nafari shafqatsiz otib tashlangan. 1937 - 38 yillardagi katta qatag'on davrida 7 mingga yaqin vatandoshlarimiz otilgani haqida chuqur qayg'u bilan gapirib berdi. Shundan so'ng mustabid tuzum yillarida qatog'onga uchragan millatimizning asl farzandlari ruhlariga hurmat, ehtirom ko'rsatib, xotirasini yod etdilar.

SXTEB fakulteti xotin - qizlar masalasi bo'yicha dekan maslahatchisi R.T. Kodirova axboroti

Universitet matbuot xizmati